بعد تعرض سيارته الجيب رانجلر إلى الضرر البالغ نتيجة جهوده التطوعية هو وزملاؤه فى فريق جيب سكواد لإنقاذ السيارات الغارقة فى الأمطار فى منطقة التجمع الخامس، تلقى شريف خيرى العديد من العروض من موزعى فيات كرايلسر المعتمدين بمصر وهم أبو غالى موتورز وعز العرب والهيئة العربية للتصنيع التى تقوم بتجميع سيارات جيب محلياً فى مشروع العربية الأمريكية للسيارات AAV المشترك.
وفيما يلى نص ما حدث من منشور شريف خيرى على صفحته الشخصية؛
بوست واجب ومهم…
اولا انا مش عارف اقول غير اني منبهر انبهار غير عادي وسعيد سعادة غير طبيعية من ردود الأفعال من امبارح النهاردة…
صحيح مش محتاج اتكلم وقول واوري صور رسائل الناس من كل دول العالم أو التليفونات اللي ماوقفش من امبارح لغاية دلوقتي بتشكر وبتدعي دعوات لا حصر لها الحمد لله
شيء بيدعوني للفخر لان حد معرفوش يكلمني يدعيلي 🥰
اللي اتعمل ده مكنش بداعي شهرة ولا هدف غير طبيعي او سوي غير الخير والثواب لله…
والدليل اللي حصل ده…
كل الناس اللي عرضت فلوس أو مساهمات حابب اشكرهم…
كل اللي كلمني عرض عليا عربيته تكون تحت استخدامي اشكره…
كل اللي عرض قروض أو سلف أو غيره وغيره أو غيره مش عارف اسرد واقول ايه ولا ايه…
اللي حابب اني ااكد عليه اننا شعب محترم، نضيف، كريم، وقت الجد والشدة كلنا سوا، وهانفضل كدة طول العمر باذن الله تعالى وده لكل المشككين بس عشان نبقى فاهمين…
بفضل ربنا ثم فضل كل واحد دعا إلى مساعدتي ومع اصراري على عدم قبول أي تعويض أو مساعدة حابب اقول وأوضح بالآتي:
السادة شركة Jeep – Abou Ghaly Motors عرضوا تصليح العربية وخدمات أخرى .
السادة شركة Jeep Ezz Elarab عرضوا برضه تصليح العربية وخدمات اخرى.
كرايسلر مصر برضه صراحة عرضوا ذلك…
السيد اللواء راضي رئيس حماية المستهلك كلمني بنفسه وأبدى اهتمام غير عادي مش شخص فريد من نوعه صراحة.
ثم جاء قرار السيد الفريق / عبدالمنعم التراس – رئيس مجلس إدارة إدارة لهيئة العربية للتصنيع وحيث أن شركة AAV إحدى شركاتهم قرر بالتكفل بتصليح عربيتي بالكاااااامل دون أي تحمل (البيت اللي صنعها اكتر واحد يعرفها🤣) وطبعا انتوا عارفين يعني ايه أتصدق عليه 🙈😉
حابب اشكر الكل تاني وااكد على أن جروبنا امبارح لم يصب بأي خسائر تانية تذكر والحمد لله عشان سمعت شوية أقاويل واشاعات عن عربيات عندنا باظت وده ماحصلش ولله الحمد…
شكرا يا مصريين بجد والله 😘
راجعة تاني اقوى من الاول باذن الله تعالى 💪💪
