كشفت مبادرة إحلال السيارات المتقادمة لأخرى جديدة تعمل بالغاز الطبيعي عن ضم طراز جديد لطرازات الملاكي وهو شيري أريزو 5 فى بيان رسمي على صفحتها على فيسبوك والذي جاء نصه كالتالي؛
“تطورات المبادرة ملهاش آخر … وده عشان دايما بيهمنا رضاكم … تمت الموافقة على ضم السيارة (أريزو 5) موديل 2022 ، والنهاردة 17 يناير 2022 هيكون متاح الاشتراك بها على الموقع الإلكترونى للمبادرة (ملاكى)ونحب نطمنك إن جهات الاختصاص المعنية بكل من وزارتىّ البترول والثروة المعدنية والتجارة و الصناعة إنتهت من اجراءات الفحص الفني للسيارة والتأكد من مطابقتها للمواصفات الفنية و معايير الجودة وتوافقها مع نظام الوقود المزدوج (غاز طبيعى، وبنزين)، وكمان فيه هدية بتقدمهالك الشركة المصنعة، وهى ضمان للسيارة لمدة 5 سنوات أو 100 ألف كيلو متر أيهما أقرب.
خلى بالك: لو انت مقدم بالفعل طلب إحلال، فتقدر تغير نوع العربية اللى انت مختارها فى الحالات دى بس :
1. قبل الموافقة المبدئية من شركة السيارات
2. فى مرحلة استيفاء مستندات البنك
3. لو طلبك مرفوض من البنك
غير كده لو عايز تغير تحذف طلبك وتسجل تانى (بشرط تكون مسلمتش عربيتك القديمة للتخريد)
ملحوظة مهمة جداً للطلبات التقسيط :عشان اى بنك بيحتاج مستندات اثبات الدخل او مفردات المرتب او إيصال المرافق (كهربا – مياه – غاز) تاريخهم جديد، بنفكرك تحدث المستندات بتاعتك كلها، وتضيفهم على الموقع قبل تعديل نوع السيارة، وكمان مهم جدا انك تدخل تعمل تعديل بيانات وتضيف عنوان سكنك وعملك ومواعيده بالتفصيل.للتسجيل والإشتراك ادخل على موقع المبادرة www.gogreenmasr.com“
وسجلت أريزو 5 الفئة الأولى 2022 بناقل يدوى وفرش جلد سعر 173,700 جنيه بدلاً من 195 ألف جنيه، ف، فيما سجلت الفئة الأعلى بناقل CVT موديل 2022 سعر بلغ 205 ألف جنيه بدلاً من 227 ألف جنيه فيما لم تشترك فى المبادرة فئة بيزلاين أوتوماتيك الوسطى.
كانت أوتوموتيف جي تي قد أكدت أن غبور ومبادرة إحلال السيارات قد دخلوا فى مفاوضات لضم شيري أريزو 5 للمبادرة
مصدر يكشف تفاصيل مباحثات “إحلال السيارات” و”غبور” حول ضم شيري أريزو 5 للمبادرة
جدير بالذكر أن طراز شيري أريزو 5 قد إنضم للمبادرة فى إحلال السيارات الملاكي فيما لم يتم ضم أريزو 5 لإحلال التاكسي حتى الآن.
أريزو 5 Arrizo 5 مجهزة بمحرك 1500 سي سي بقوة 115 حصان وعزم 141 نيوتن.متر، يتصل بالعجلات الأمامية عبر ناقل حركة مستمر التغيير CVT.
تقرير مفصل؛ شيرى أريزو 5، فصلٌ جديد لسيارات العلامة الصينية فى مصر
أريزو 5 Arrizo 5 مجهزة ب2 وسائد هوائية وفرامل مانعة لللإنغلاق، ومن أبرز كمالياتها مصابيح إضاءة نهارية LED تكييف هواء ومرايا جانبية كهربائية، مقاعد الجلد، جنوط رياضية قياس 16 بوصة، راديو سي دي مزود ب4 سماعات، فتحة سقف، شاشة تعمل باللمس قياس 7 بوصة، وصلة AUX ومداخل USB للمقاعد الأمامية والخلفية، تعديل وضع مقعد السائق فى 6 اتجاهات.
